മെലിഞ്ഞ സ്ത്രീകളിലും കൊഴുപ്പ് വില്ലനാവുന്നു; ഹൃദയാഘാതത്തിന് സാധ്യതയെന്ന് പഠനങ്ങള്‍!
January 21, 2025
വണ്ണം കൂടിയവരെക്കാള്‍ മെലിഞ്ഞ ആളുകളില്‍ മാരകമായ ഹൃദയാഘാത സാധ്യത കൂടുതലാണെന്ന് പഠനങ്ങള്‍. ഹാര്‍വാര്‍ഡ് മെഡിക്കല്‍ സ്‌കൂള്‍ നടത്തിയ പഠനത്തിലാണ് ഇക്കാര്യം വെളിപ്പെടുത്തിരിക്കുന്നത്. പേശികളില്‍ ഒളിഞ്ഞിരിക്കുന്ന കൊഴുപ്പ് മൂലമാകാം ഇത് സംഭവിക്കുന്നതെന്ന് ഗവേഷകര്‍ പറയുന്നു.
ഈ തരത്തിലുള്ള ഇന്‍ട്രാമുസ്‌കുലര്‍ കൊഴുപ്പിനെ ബീഫിലെ മാര്‍ബിളിംഗുമായി ശാസ്ത്രജ്ഞര്‍ പഠനത്തില്‍ താരതമ്യം ചെയ്യുന്നുണ്ട്. ഈ തരത്തിലുള്ള കൊഴുപ്പുള്ള സ്ത്രീകള്‍ക്ക് ഹൃദയാഘാതം അല്ലെങ്കില്‍ ഹൃദയസ്തംഭനം മൂലം മരിക്കാനുള്ള സാധ്യത കൂടുതലാണെന്നും ഗവേഷകര്‍ പറഞ്ഞു. പേശികളില്‍ സംഭരിച്ചിരിക്കുന്ന കൊഴുപ്പിന്റെ അളവില്‍ ഓരോ ശതമാനം വര്‍ദ്ധനവും ഗുരുതരമായ ഹൃദ്രോഗ സാധ്യത 7 ശതമാനം വര്‍ദ്ധിപ്പിക്കുന്നുവെന്നും ഗവേഷകര്‍ കണ്ടെത്തി. മെലിഞ്ഞ പേശികള്‍ കൂടുതലുള്ളവര്‍ക്ക് കുറഞ്ഞ അപകടസാധ്യതയുണ്ട്. അതേസമയം, ചര്‍മ്മത്തിനടിയില്‍ സംഭരിച്ചിരിക്കുന്ന ഏതെങ്കിലും തരത്തിലുള്ള കൊഴുപ്പ് മാരകമായ ഹൃദ്രോഗ സാധ്യത വര്‍ദ്ധിപ്പിക്കുന്നില്ലെന്ന് ഗവേഷകര്‍ പറഞ്ഞു.
ബോസ്റ്റണിലെ ബ്രിഗാം ആന്‍ഡ് വിമന്‍സ് ഹോസ്പിറ്റലില്‍, പുരുഷന്മാരും സ്ത്രീകളും ഉള്‍പ്പെടെ 650-ലധികം പേരില്‍ നടത്തിയ പരിശോധനയിലാണ് പുതിയ വിവരങ്ങള്‍ കണ്ടെത്തിയത്. ‘ശരീരത്തിലെ മിക്ക പേശികളിലും ഇന്റര്‍മസ്‌കുലര്‍ കൊഴുപ്പ് കണ്ടെത്താന്‍ കഴിയും, പക്ഷേ കൊഴുപ്പിന്റെ അളവ് വ്യത്യസ്ത ആളുകള്‍ക്കിടയില്‍ വ്യാപകമായി വ്യത്യാസപ്പെടാം,’ ബ്രിഗാം ആന്‍ഡ് വിമന്‍സ് ഹോസ്പിറ്റലിലെ കാര്‍ഡിയാക് സ്‌ട്രെസ് ലബോറട്ടറി ഡയറക്ടറും ഹാര്‍വാര്‍ഡ് മെഡിക്കല്‍ സ്‌കൂളിലെ ഫാക്കല്‍റ്റി അംഗവുമായ പ്രൊഫസര്‍ വിവിയാനി ടക്വെറ്റി പറഞ്ഞു.
മെലിഞ്ഞവരില്‍ അടിഞ്ഞുകൂടുന്ന കൊഴുപ്പ് അടിഞ്ഞുകൂടുന്നവര്‍ക്ക് കൊറോണറി മൈക്രോവാസ്‌കുലര്‍ ഡിസ്ഫങ്ഷന്‍ ഉണ്ടാകാനുള്ള സാധ്യത കൂടുതലാണ്, ഇത് ഹൃദയത്തിലെ ചെറിയ രക്തക്കുഴലുകളെ ബാധിക്കുന്ന ഒരു അവസ്ഥയാണ്. ഇതാണ് ഇത്തരത്തില്‍ ഹൃദയാഘാത സാധ്യത വര്‍ധിപ്പിക്കുന്നതെന്നും പഠനങ്ങള്‍ വ്യക്തമാക്കുന്നു. ചര്‍മ്മത്തിനടിയില്‍ സംഭരിച്ചിരിക്കുന്ന കൊഴുപ്പ് – പോലെയല്ല, പേശികളില്‍ സംഭരിച്ചിരിക്കുന്ന കൊഴുപ്പ് വീക്കം, ഇന്‍സുലിന്‍ പ്രതിരോധം എന്നിവയ്ക്ക് കാരണമാകുമെന്ന് വിദഗ്ദ്ധര്‍ പറഞ്ഞു.
Posted by vincent